Börkur hf. - Gluggar, hurðir, bílskúrshurðir, gler og karmar

 Verklýsing á glerjun á gluggum með álkápu.

Glerjun :

·       Glerjunarborðar eru settir í fals að innanverðu allveg á innbrún tréglugga (þykkt borða ræðst af heildarþykkt á gleri og dypt á falsi). Gæta skal þess ávallt að gler sé slétt við nef á ál-tréglugga þegar rúða er komin í fals og pressa komin á glerið. Oft getur reynst nauðsynlegt að vera með mismunandi þykktir á glerjunaborða eftir mismunandi þykkt glers. Ítreka skal að hér er þörf á nákvæmni í glerjunarborðum.

·       Sílikon kítti er síðan sprautað að glerjunarborðum falsmegin við borðann.  Gæta skal þess að setja hæfilegt magn.

·       Sérstakir plastklossar eru lagðir í fals að neðanverðu. (þessa plastklossa eiga glerverksmiðjur að vera með og skaffa með gleri,  ef ekki þá eru þeir til hjá okkur.)

·       Gler er sett í gluggann og best er að festa það til bráðabirgða með krossviðskubbum eða ál-renningum (afgöngum af listum, fást hjá framleiðanda) sem skrúfaðir eru framan á nef gluggans.  Gæta skal þess að gera þetta með það þéttu millibili að glerið fái jafna pressu í kíttið.

Ísetning á ál-tré fögum og hurðum:

·       Við ísetningu á  ál/tré opnanlegum fögum eða hurðum með álramma sem ganga í tréglugga skal framkvæma ísetningu á eftirfarandi hátt:

·       Álrammi er lagður í kítti allan hringinn. 

·       Stilltur af með 1-2mm þynnum.

·       Skipt um skrúfur í brautum á fögum og í lömum á hurðum (skrúfur til þess fylgja með í merktum pokum með tilheyrandi verklýsingu) Þetta verður að framkvæma til að festa álramman í timurverkið.

Ásetning álklæðninga á glugga:

·       Undirlisti úr áli er settur á gluggann.  Fyrst lóðréttur undirlisti á hæðarpóst (ef hann er ekki til staðar þá hæðarstykki). Því næst láréttir undirlisti út frá honum og svo lóðréttur.  Lárettu listarnir verða að koma alltaf á milli og mynda stýringu fyrir þá lóðréttu.  Athuga skal að undirlisti er ávallt styttri en yfirkápa og gæta skal við staðsetningu á láréttum listum að yfirkápa komist fyrir.  Á útkanta koma 50 mm. listar og á pósta 60 mm listar. 

·       Ef flastningar eða aðrar lokanir þurfa að koma undir álkápu þá er best að koma þeim fyrir áður en állistar eru settir á gluggann.

·       Skrúfa skal undirkápu með ca. cc. 300 mm. Ávallt skal skrúfa vera á endum og ef gat vantar verður að bora fyrir því.  Bora skal fyrir skrúfum í tréglugga.  Nota skal ávallt þær skrúfur sem fylgja klæðningu og engar aðrar (það er nauðsynlegt vegna ryðmyndunar).