B÷rkur hf. - Gluggar, hur­ir, bÝlsk˙rshur­ir, gler og karmar

Börkur hf. er leiðandi fyrirtæki í framleiðslu glugga og hurða. Öll framleiðsla fyrirtækisins er vottuð af Rannsóknarstofu Byggingariðnaðarins.

═setning glers

Verklýsing á glerjun á trégluggum
"Glerjunarborðar eru settir í fals að innanverðu allveg á innbrún glugga (þykkt borða ræðst af heildarþykkt á gleri og dypt á falsi). Oft getur reynst nauðsynlegt að vera með mismunandi þykktir á glerjunaborða eftir mismunandi þykkt glers." 

Sílikon kítti er síðan sprautað að glerjunarborðum falsmegin við borðann. Gæta skal þess að setja hæfilegt magn. 

"Sérstakir plastklossar sem taka upp skáa að neðan eru síðan lagðir í fals að neðanverðu. (þessa plastklossa eiga glerverksmiðjur að vera með og skaffa með gleri)." 

Gler er sett í gluggann og pressað hæfilega í falsið. Undirlisti er settur, síðan hæðarlistar og svo loks yfirlisti sem gengur á milli hæðarlista. 

Best er að festa listana með kopar skrúfum 4.0 x 35 eða hefta með rúsfríum nöglum A-4. Gæta skal þess að gera þetta með það þéttu millibili að glerið fái jafna pressu í kíttið.



Verklýsing á glerjun á gluggum með álkápu
 
"Glerjunarborðar eru settir í fals að innanverðu allveg á innbrún tréglugga (þykkt borða ræðst af heildarþykkt á gleri og dypt á falsi). Gæta skal þess ávallt að gler sé slétt við nef á tréglugga þegar rúða er komin í fals og pressa komin á glerið. Oft getur reynst nauðsynlegt að vera með mismunandi þykktir á glerjunaborða eftir mismunandi þykkt glers. Ítreka skal að hér er þörf á nákvæmni í glerjunarborðum." 

Sílikon kítti er síðan sprautað að glerjunarborðum falsmegin við borðann. Gæta skal þess að setja hæfilegt magn. "Sérstakir plastklossar sem taka upp stall að neðan eru síðan lagðir í fals að neðanverðu. (þessa plastklossa eiga glerverksmiðjur að vera með og skaffa með gleri, ef ekki þá eru þeir til hjá okkur.)" 
Gler er sett í gluggann og best er að festa það til bráðabirgða með krossviðskubbum sem skrúfaðir eru framan á nef gluggans. Gæta skal þess að gera þetta með það þéttu millibili að glerið fái jafna pressu í kíttið. 

"Þar sem ál/tré opnanleg fög eða hurðakarmar úr áli sem ganga í tréglugga eru skal gera það sama og lýst er hér að ofan um glerjun glers nema sleppa skal gúmíborða og nota eingöngu hæfilegt magn af kítti." 

Undirlisti úr áli er settur á gluggann. Fyrst lóðréttur listi og svo láréttir út frá honum og svo lóðréttur. Þannig að lárettu listarnir komi alltaf á milli og myndi stýringu fyrir þá lóðréttu. Athuga skal að undirlisti er ávallt styttri en yfirkápa og gæta skal við staðsetningu á láréttum listum að yfirkápa komist fyrir. Á útkanta koma 50 mm listar og á pósta 60 mm listar. Ef flastningar eða aðrar lokanir þurfa að koma undir álkápu þá er best að koma þeim fyrir áður enn állistar eru settir á gluggann. 

"Skrúfa skal undirkápu með ca. cc. 300 mm. Ávallt skal skrúfa vera á endum og ef gat vantar verður að bora fyrir því. Bora skal fyrir skrúfu í tréglugga. Nota skal ávallt þær skrúfur sem fylgja klæðningu og engar aðrar (það er nauðsynlegt vegna ryðmyndunar)." 

Að lokum er yfirkápu smellt yfir undirlistann. Þetta má gera við lok byggingartímans svo yfirkápa verði ekki fyrir óþarfa álagi af múrhúðun og öðru hnjaski á byggingartímanum.

Division

Content presentation

moya - Útgáfa 1.12 2007 - Stefna ehf

Login